La 10an de marto svislanda esperantisto Dieter Rooke, estrarano de Tutmonda Esperantista Ĵurnalista Asocio (TEĴA) kaj redaktoro de Heroldo faris unutagan viziton al urbo Baotou, Interna Mongolio, akompanate de du tianjin-aj esperantistoj s-ro Han Zuwu kaj s-ino Liu Jun. Post tagmanĝo kune kun lokaj esperantistoj, ili venis al Tianjiabing-Supera Mezlernejo de Baotou kaj parolis kun gelernantoj en E-kursoj, gviditaj de s-ro Liu Baoguo de tiu lernejo. Dieter Rooke kaj Liu Baoguo korespondis por pli ol 20 jaroj antaŭ ilia unua renkontiĝo en la pekina UK, 2004. Post la renkontiĝo kun la lernantoj, filia sekretario de la kompartio de la lernejo akceptis intervjuon de Rooke. Vespere la lernej-direktoro varme bonvenigis Rooke kaj liajn amikojn per bankedo. Antaŭ forlaso de Baotou al Huhhot, Rooke vizitis la nedevigan E-kurson en la Scienc-Teknika Universitato de Interna Mongolio.

el  espero.com.cn

Redaktoro:XinYing