Sinjoro Ragnar Baldursson klarigas detalojn de la retejo www.arcticportal.org.

    La 16-an de aŭgusto intervidiĝis en Pekino sinjorino Chen Shi, ĉefredaktoro de la redakcio de El Popola Ĉinio (EPĈ) kaj ĝia direktoro, kun sinjorino Chen Yue, direktoro de la Internacia Kunlabora Departemento de la Ŝtata Oceana Administracio de la Ĉina Popola Respubliko, sinjoro Ragnar Baldursson, ministro-konsilanto de la Islanda Ambasado en Ĉinio kaj sinjoro Halldor Johannsson, ĝenerala direktoro de la retejo www.arcticportal.org. La tri flankoj interŝanĝis opiniojn pri kunlaboro por lanĉi spegulan retpaĝon de www.arcticportal.org en la lingvoj angla, ĉina kaj Esperanta.

    Dum la intervidiĝo, sinjoro Halldor Johannsson konigis enhavojn de tiu ĉi retejo, kiu tuŝas multajn kampojn, kiaj scienca esplorado, mediprotektado, turismado, kulturo ktp, kaj celas servi la tutan mondon en pluraj kampoj, precipe liveri servojn al turismado en diversaj lokoj de la mondo, al scienca esplorado en polusaj regionojm kaj ankaŭ mapoj. Post oficiala fondiĝo de la spegula retpaĝo en tri lingvoj oni trovos multajn informojn pri la polusaj regionoj, inkl. de la Qinghai-Tibeta Altebenaĵo en la lingvoj angla, ĉina kaj Esperanta.

    Sinjorino Chen Yue tre interesiĝis pri tiu ĉi kunlaboro. Ŝi diris, ke lanĉo de tiu ĉi retpaĝaro havas gravan signifon sciencan kaj politikan kaj la Ŝtata Oceana Administracio de la Ĉina Popola Respubliko volontas provizi donitaĵojn pri polusa esplorado se la kunlaboro startos laŭplane. La tri flankoj diskutos pri detaloj kaj antaŭenpuŝos kunlaboron al novan ŝtupon.

    Antaŭ nelonge sinjorino Chen Shi intervidiĝis kun sinjoroj Ragnar Baldursson kaj Halldor Johannsson, kaj la du flankoj jam faris la unuan interŝanĝon de opinioj pri tiu ĉi kunlaboro.

 el   El Popola Ĉinio

Redaktoro:Brava Aglo